-
-
؋150
؋180 -
-
ډیپلوماټیک لارښود
د ډیپلوماټیک لارښود په مرسته د ډیپلوماسۍ نړۍ وپېژنئ. که تاسې ډیپلوماټ یاست، له بهرنیانو سره رسمي تعامل لرئ، د کوم وزارت یا ادارې کارکوونکي یاست چې له بهرنیانو سره اړیکې پالئ، په نړیوالو غونډو او کنفرانسونو کې برخه اخلئ، یا د سیاسي علومو او حقوقو پوهنځيو محصلین او یا د سیاست مینهوال یاست؛ نو دا کتاب ستاسې لپاره یوه ارزښتمنه سرچینه ده. ډیپلوماټیک لارښود تاسې ته د ډیپلوماسۍ بنسټیز مفهوم، د ډیپلوماټ ځانګړنې، ډیپلوماټیکې او قونسلي اړیکې، د مؤثرې مذاکرې مهارتونه، رسمي او نړیوال پروټوکولونه، د ډیپلوماټیک چلن مهم اصول او نړیوال سازمانونه په عملي او ساده بڼه تشریح کوي، ترڅو هره ناسته، هر رسمي ملاقات او هر فرصت ستاسې د بریا په لوري بدل شي. دا کتاب د ډیپلوماسۍ یو مسلکي، علمي او عملي لارښود دی چې د ډیپلوماسۍ له الفبا نیولې تر معاصرې ډیپلوماسۍ پورې ټول اړین مفاهیم او مهارتونه په خپله منځپانګه کې را نغاړي.؋650؋780 -
نرم ځواک
نرم ځواک
د نړیوالو اړیکو په ډګر کې د نړۍ یو له تر ټولو ډېر حواله شوي کتابونو څخه، د امریکايي سیاستپوه او پروفیسور جوزف نای شهکار اثر”نرم ځواک” په پښتو ژبه چاپ او خپور شو.
دا اثر د لیکوال او څېړونکي احمد بلال خلیل له خوا له انګلیسي پښتو ته ژباړل شوی او پنځه څپرکي لري. کتاب د ځواک درېیم ډول، یانې نرم ځواک، راپېژني او ښيي چې هېوادونه څنګه د زور او اقتصاد پر ځای د کلتور، ارزښتونو او بهرني سیاست له لارې پر نورو اغېز کولی شي.
په کتاب کې د امریکا د نرم ځواک سرچینې، د نورو هېوادونو لکه روسیې، چین، هند او اروپايي ټولنې تجربې، او همدارنګه د نړیوال سیاست په ډګر کې د نرم ځواک د کارونې لارې په تفصیل څېړل شوې دي. د امریکا د بهرني سیاست او ډيپلوماسۍ په اړه ځانګړې برخه هم پکې شامله ده.
ژباړن احمد بلال خلیل په سریزه کې دا اثر له درېیو اړخونو ارزښتمن بولي: د ځواک پر نوې بڼې د بحث له امله، د کوچنیو هېوادونو لپاره د هیلې د وسیلې په توګه، او په نړیوالو اړیکو او پالیسۍ جوړولو کې د نفوذ د یوې مهمې لارې په توګه.
د نړیوالو چارو کارپوهانو په خپلو څرګندونو کې نرم ځواک د هېوادونو لپاره د نفوذ، بقا او نړیوالې ډيپلوماسۍ مهم وسیله بللې ده.
د دوی په باور «نرم ځواک» د کوچنیو هېوادونو لپاره د لويې ډیپلوماسۍ غوره چانس دی.
؋220؋300 -
اسرائیل په فلسطین کې
اسرائیل په فلسطین کې
دغه کتاب د اسراییلو او فلسطین تر منځ د سیاسي، تاریخي او جغرافیایي شخړو ژور تحلیل وړاندې کوي. لیکوال د زرګونو کلونو سیاسي تحولاتو ته د اسنادو او منابعو پر بنسټ کتنه کړې، او دا یې ښودلې چې فلسطین څرنګه د اشغال، استعماري هڅو او نړیوالو دسیسو قرباني شوی. په کتاب کې د فلسطین تاریخي سیمې او ښارون مفصل معرفي شوي، د اسراییلي اشغال پیل او دوام، د صهیونیستي غورځنګ ظهور، د فلسطینیانو مقاومت، د نړیوالو غبرګونونه، او همداراز د اسلامي نړۍ په دریځونو یې مستند بحث کړی دی. کتاب د هغو کسانو لپاره ارزښتناک اثر دی چې غواړي د فلسطین د شخړې ریښه، نړیوال بُعد، او تاریخي اړخونه له نیږدې وپېژني؋270؋350 -
نړیوال قانون په غرب او اسلام کې
نړيوال قانون په غرب او اسلام کې
د نړيوال قانون په اړه یو ارزښتناک او نوښتګر اثر، د “نړيوال قانون؛ په غرب او اسلام کې” تر سرلیک لاندې، د زاهد جلالي له خوا لیکل شوی کتاب دی.
په دې اثر کې د غرب اوسنی واکمن قانون او نظم او هم د اسلامي پېر قانون څېړي او ارزوي. کتاب په ټوله کې پر دوو برخو وېشل شوی دی:
لومړۍ برخه د معاصر نړيوال قانون تعریف، سرچینې، تاریخچه او بنسټیز مفاهیم تشریح کوي. دا برخه د “غربي نړيوال قانون” تر عنوان لاندې د هغو مفاهیمو انتقادي شننه وړاندې کوي چې د غربي تمدن تر چتر لاندې رامنځته شوي دي.
دویمه برخه د اسلامي نړيوال قانون اړوند بحث کوي، چې له سره موخه یې دا ده چې لوستونکي ته دا پیغام ورسوي: اسلامي تمدن هم خپل ځانګړی قانوني سیسټم لري چې باید وپېژندل شي او ورباندې کار وشي.
د لیکوال په وینا:
“دا کتاب هڅه کوي د نړيوال قانون مفاهیم په ساده او روانه ژبه وړاندې کړي، څو یوازې حقوقي محصلین نه، بلکې هر لوستونکی چې له قانون، سیاست او نړیوال نظم سره علاقه لري، استفاده ترې وکړای شي.
دا اثر د علمي بحثونو او فکري هڅو لپاره یو مهم پیل بلل کېږي، او تمه ده چې استادان او څېړونکي یې د لا ژورې مطالعې او پراختیا لپاره وکاروي.؋220؋300 -
د افغانستان پنځه زره کلن تاریخ هېنداره
د افغانستان پنځه زره کلن تاریخ هېنداره
د افغانستان پنځه زره کلن تاریخ هېنداره کتاب د نني افغانستان په اړه چې د نړۍ د لرغونو مدنیتونو څخه دی، د دې جغرافیې د سیاسي، کلتوري او ټولنیزو بدلونونو په اړه یوه هر اړخیزه تاریخي کتنه وړاندې کوي.
یاد کتاب ښاغلي استاد اغا محمد غیرت دراني په ۱۱۶ مخونو کې لیکلی دی.
په دې کتاب کې د بېلابېلو امپراتوریو، جګړو، او سولې د دورو د بیان ترڅنګ، د دې هېواد د ستراتیژیک موقعیت او د نړۍ د زبر ځواکونو په سیالیو کې د هغه رول ته ژوره کتنه شوې ده.
لیکوال د کتاب په سریزه کې زیاتوي چې د دې لنډ تاریخ له لیکلو یې موخه دا ده چې افغانان خپل هویت او لرغونی تمدن وپېژني څو ځوانان او هم افغانستان پېژندونکي د یوه خلص او جامع سرچینې په توګه ترې استفاده وکړی شي او هم د ژورې او پراخې مطالعې فکر او لاره یې ومومي.
د یادونې وړ ده چې د دې اثر ترمخه ښاغلي اغا محمد غیرت دراني د افغانستان د پنځه زره کلن تاریخ او هم اسلامي امپراتورۍ او د افغانستان د پوهنیز بهیر په اړه څو ډوله نقشې جوړې کړې دي چې د ښوونیزو او اکاډمیکو بنسټونو له تاوده هرکلي سره مخ شوې او په لوړ تیراژ خپرې شوې هم دي.؋120؋150 -
کډوالي
کډوالي (ګواښونه،ننګونې،تمې او حقیقتونه(
کډوالي د افغان کډوالو پر ژوند او د هغوی پر وړاندې د کوربه ټولنو د چلند په اړه یو ځانګړی څېړنیز اثر دی، چې په کې د ګواښونو، ننګونو، تمو او حقیقتونو هر اړخیز تحلیل شوی دی. دا اثر د افغان لیکوال دوکتور وحید وطنیار له خوا په پښتو ژبه لیکل شوی دی او یوه سریزه او څلور برخې لري.
د کتاب لومړۍ برخه کې، د کډوالۍ موضوع په تیوریک ډول څېړل شوې ده، او د څېړنې میتودلوژي په واضحه توګه تشریح شوې ده.
په دوهمه برخه کې، د خپل هېواد پرېښودلو سره د ریښو پرې کولو درد او لوېدیځو هېوادونو ته د کډوالۍ پر ننګونو او خطرونو تفصیلي خبرې شوې دي.
په درېیمه برخه کې،کوربه ټولنو ته د کډوالو په رسېدو وروسته ټولنیزې ستونزې او کلتوري توپیرونه ارزول شوي دي، کوم چې هر کډوال یې خامخا تجربه کوي.په څلورمه برخه کې چې وروستۍ برخه ده د کډوالۍ هر اړخیزې اغېزې څېړل شوې دي، د څېړنې پایلې وړاندې شوې دي، او د معتبرو ماخذونو یادونه هم شوې ده.
د دې کتاب لوستل هغو کسانو لپاره ځانګړی اهمیت لري چې د کډوالۍ په روانو ستونزو او د افغانانو په راتلونکي اغېز پوهېدل غواړي.
په ټوله کې د “کډوالي” کتاب د لوېدیځو ټولنو او کډوالو ترمنځ د اړیکو، ستونزو او تمو په اړه یوه نوې څېړنه وړاندې کوي، چې د لوستونکو لپاره یوه نوی لید وړاندې کولای شي.؋100؋150 -
د ژوند کاروان
د ژوند کارواند الحاج استاد فضل الله رمضان لخوا لیکل شوی اتوبيوګرافي کتاب دی. دا کتاب د لیکوال د ژوند د تجربو، مبارزو، لاسته راوړنو او ستونزو په اړه خبرې کوي. په دې کتاب کې د هغه د ژوند سفر په زړه پورې او د الهام ډک کیسې بیان شوي دي، چې د لوستونکو لپاره د ژوند د بیلابیلو برخو په اړه مهم درسونه وړاندې کوي.
؋350؋450 -
د ټولنې زړه ته لار
د ټولنې زړه ته لار د منصب،اوږده عمر او تجربې څښتنان هم داسې تېروتنې کوي، چې تېروتنې ورته نه ښکاري.
.په دې کتاب کې د ټولنیزو نزاکتونو او په ټوله کې د ژوند د ادابو په اړه بشپړ بحث شوی دی
.دغه کوچنی اثر د ټولنې د معنوي رغښت او پیاوړتیا په برخه کې مهم رول لري چې مناسبه ده د هر عمر، تخصص او تجربې اشخاص ترې ګټه پورته کړي
.کتاب یوه د ژباړن او یوه هم د لیکوال سریزه او د شپږو مهمو ټولنیزو موقفونو او بهیرونو په اړه بحثونه لري
؋50؋70 -
د رسول الله ﷺ بهرنی سیاست
د رسول الله ﷺ بهرنی سیاست
د رسول الله ﷺ بهرنی سیاست کتاب چې د قرآني لارښوونو، نبوي سیرت او حکومت په رڼا کې د هغه زمانې بهرني سیاست، تګلارو او تعامل ته کتنه کوي، تازه چاپ او د کتاب بازار ته وړاندې شو.
دغه کتاب دوې سریزې او څلور څپرکي لري. په سریزو کې د لیکوال او ژباړن لخوا د دې کتاب په اهمیت، فلسفه او لار نقشه بحث شوی دی. همدارنګه د کتاب په لومړي څپرکي کې د رسول الله ص په زمانه کې د نړۍ په سیاسي جغرافیه بحث شوی، ستر دولتونه، سیمه ییز قدرتونه، د عرب شبه جزیرې او د پیغمبر ص پر دولت یې بشپړ بحثونه کړي دي. د کتاب په دویم څپرکي کې د رسول الله ص د بهرني سیاست پر اهدافو او بنسټونو بحث شوی، چې په دې څپرکي کې یې د بهرني سیاست موخې او اصول څرګند کړي دي.
د کتاب په درېیم څپرکي کې د نبي کریم ص د تصمیم او فیصلې څرنګوالی ښيي، چې فکري باورونو، وحی او ولسي مشورو په کې ځانګړی ځای درلود.
د کتاب په څلورم څپرکي کې د رسول الله ص ستراتېژۍ بیانوي چې په هغې کې تر هرڅه «بلنه» ورته لومړیتوب وه، او د دې تګلارې په کارېدنې یې د اسلامي جغرافیې او جمعیت په وده کې رغنده رول لوباوه. سربېره پر دې د مبارزو تګلارې وې چې په هغې د راسخ عقیدې او سپېڅلې موخې په رڼا کې د لارویانو روزنه او بسیج ځانګړی اهمیت درلود. او د دې څپرکي په درېیمه برخه کې له مبارزو وروسته د سولې او روغې جوړې په اړه د تګلارو لارې چارې بیان شوې دي چې د ډيپلوماسۍ پر مټ دغه تګلارې بریالۍ شوې دي او بشري ټولنو ته یې په سوله او ټیکاو کې د هوساینې موقع په لاس ورکړې ده.؋120؋150 -
په افغانستان کې د ناورین ورځني یادښتونه
په افغانستان کې د ناورین ورځني یادښتونه د افغان- انګلیس لومړۍ جګړه
په افغانستان کې د ناورین یادښتونه کتاب د افغان-انګلیس د لومړۍ جګړې پرمهال د یوه برېټانوي جنرال د مېرمنې ليډي سېل لخوا لیکل شوې خاطرې او ورځني یادښتونه دي.
په دغه یادښتونو کې نوموړې لیکوالې د افغان-انګلیس د لومړۍ جګړې په تړاو د هغه مهال ډېری مهمې چارې یادې کړې دي. په هغه جګړه کې د افغانانو سره د دوی د جګړې په لاملونو، مهمو پېښو، مبارزو او جوړجاړیو بشپړ بحثونه شوي دي.
یاد کتاب په لومړي ځل په ۱۸۴۳ز کال کې په انګریزي ژبه لیکل شوی دی او پښتو ژبې ته ښاغلي عتیق ځاځي ژباړلی دی. د ژباړن یوه مفصله سریزه او اخریزه او د لیکوالې یوه سریزه او د ورځني یادښتونو بشپړ لړ ټول کتاب په بر کې نیسي، چې په ټوله کې کتاب ۳۲۰ مخونه لري، او اکسوس کتابپلورنځي چاپ او نوی د کتاب بازار ته وړاندې کړی دی.
د یادونې وړ ده چې ښاغلي ځاځي صېب تر دې مخکې یو بل تاریخي اثر(ستر سکندر او یونانیان د ننني افغانستان په سیمه کې) هم لیکلی و، چې د لوستونکو له تاوده هرکلي سره مخ شو.
؋250؋300 -
دوه غازیان؛دمورچل له غېږې د خپلواکۍ تر پولو
دوه غازیان؛دمورچل له غېږې د خپلواکۍ تر پولو:
دوه غازیان؛دمورچل له غېږې د خپلواکۍ تر پولو اثر چې د وزیرغلام محمدخان وردګ او غازي بسم الله خان وردګ په ژوند،شخصیت،جهاد،مبارزه او کارنامو باندې په دوو برخو او لسو څپرکیو کې د نعمت الله پټانزي لخوا لیکل شوی دی، دا کتاب به لوستوونکي د وزیرغلام محمد وردګ په پیژندنه، دندو، مبارزو او په اماني دوره کې د خپلواکۍ د بیرته ترلاسه کولو په پار د هغه د ونډې او د خپلواکۍ په یو شمیر تړونونو کې د هغه له رول او په هیواد کې د اقتصادي او سوداګریزو اصلاحاتو او پرمختګونو سره آشنا کړي، همدارنګه دا کتاب به وکولای شي چې تاسو د غازي بسم الله خان وردګ په پیژندنه، داعلیحضرت محمدظاهرشاه او شهید سردار محمد داود خان په وخت کې د اوردو په لیکو کې د هغه د خدمتونو او د روسانو پر وړاندې د هغې د جهاد او مبارزې او نه ستړي کیدونکو هلوځلو او ویاړونو څخه خبر کړي.
؋250؋300 -
د افغان جګړې پټ تاریخ
د افغان جګړې پټ تاریخ
دوهم چاپ
د افغان جګړې پټ تاریخ کتاب د افغانستان د وروستۍ شل کلنې جګړې په اړه لیکل شوی.د دې کتاب موخه د افغانستان په جگړه کې د امریکا د تېروتنو یوه توضیح ده او دا راته وایي چې سیاسیونو د افغانستان د جگړې په اړه خپل ملت ته څنګه څه نا څه شل کاله دروغ وویل.دا کتاب تر (۱۰۰۰) د زیاتو کسانو په مرکو ولاړ دی چې د افغانستان په جگړه کې مستقیماً دخیل وو. د دې کتاب منابع او ماخذ د سیگار د زده شویو درسونو په نوم پاڼې، شفاهي تاریخي اطلاعات او د رمزفیلډ د واورو بڅرکو په نوم استخباراتي یادښتونه دي چې ټول (۱۰۰۰۰) پاڼو اسنادو ته رسېږی.دغه اثر د افغانستان د سیاسي تحولاتو په درشل کې د اګست میاشتې په وروستیو کې خپور شوی دی.کتاب امریکایي ژورنالېست کریګ وایټلاک لیکلی او رفیق محمد خاورین پښتو ژبې ته ژباړلی.
؋270؋350 -
سیمه ییزه همپالنه
سیمه ییزه همپالنه د افغانستان په ثبات کې د سیمه ییزې همکارۍ نقش
سیمه ییزه همپالنه اثر د آقا محمد قریشي اکاډمیکه څېړنه ده چې د افغانستان په ثبات کې د سیمه ییزې همکارۍ رول ارزوي
په دې څېړنه کې په افغانستان او سیمه کې د شته فرصتونو په اړه بحث شوی دی، په ځانګړي ډول کوم فرصتونه چې په جنوبي او مرکزي اسیا کې شته څو د سیمې او افغانستان په اړه د تلپاتې ثبات او ټیکاو استفاده ترې وشي
یاد کتاب څلور څپرکي او ۲۰۰ مخونه لري چې په لومړي څپرکي کې د موضوع په اړه تیوریک بحث شوی، په دوهم څپرکي کې د افغانستان په بهرني سیاست کې د سیمه ییزې همکارۍ په موضوع، په درېیم څپرکي کې په اقتصادي ډيپلوماسۍ او په څلورم څپرکي کې د افغانستان د ټيکاو لپاره د .یمه ییزو سیاسي او امنیتي همکاریو په اړه بشپړ بحث شوی دی؋150؋200 -
مصالحه اسلام،ولسواکي او لوېدیځ
مصالحه اسلام،ولسواکي او لوېدیځ
په مصالحه کتاب کې نور ارزښتمنو موضوعاتو تر څنګ تر یوه بریده د افغانستان پر جنګ او د دې هېواد پر سیاسي او امنیتي بې ثباتۍ هم غږېدلې. نوموړې د خپلو بحثونو په څرګندولو سره دا په ښکاره ټوګه په
ډاګه کوي چې د افغانستان په جګړه کې، د مجاهدینو په رامنځته کولو، افراطپالنې او اورپکۍ ته د هیواد په چمتو کولو کې تر ټولو اساسي رول د پاکستان نظامي حکومت او استخباراتو سرته رسولی.؋320؋400 -
د سیاسي اسلام ماته
د سیاسي اسلام ماته
د سیاسي اسلام ماته کتاب د فرانسوي لیکوال اولیویه روه اثر دی چې د اسلامي غورځنګونو پر فعالیتونو یې منتقدانه بحث کړی دی.ددې کتاب په لوستلو سره کولای شو چې د اسلامي غورځنګونو د ځوړتیا او نه پیاوړتیا لاملونه وپېژنو او دا لاره ومومو چې څنګه کېدای شي چې اسلامېزم د نړیوال نظم یوه مطرح برخه شي او د وضعي قوانینو په متورم بازار کې شریعت خپل حاکمیت وساتی شي.
؋220؋300
