راشد د کرکټ خان کتاب د مخکښ افغان کرکټ لوبغاړي ښاغلي راشد خان پر ژوند او اتلولۍ یو مستند تاریخ دی.

په کتاب کې د نوموړي لوبغاړي پر شخصي ژوند او شخصیت سربېره د هغه په سپورټي اتلولیو، روزنه او لاسته راوړنو او هم د افغانستان د کرکټ د تاریخ او روانو چارو په اړه بشپړ بحث شوی دی.

کتاب ښاغلي جعفر هاند لیکلی او د یاد اثر د اهمیت په اډانه کې ادعا کوي چې د راشد خان د پېژندنې سربېره په کتاب کې ډېری هغه لوبیزې پېښې راغلې چې تر دې دمه زه هم نه وم ترې خبر.

د یادونې وړ ده چې کتاب یوویشت څپرکي او ۲۲۰ مخونه لري.

اتل کتاب د نړۍ د دولسو هغه بریالیو کسانو د ژوند کیسې بیانوي چې خپلو موخو ته رسېدلي او نن ورځ اتل ګڼل کېږي.
په کتاب کې د لیکوالې سربېره د نورو د ژوند او کاروبار د بریا کیسې دي چې لوستونکو ته د انګېزې او فکري پیاوړتیا په برخه کې مهم مطالب لري.
کتاب په څلورو برخو کې تنظیم شوی چې په لومړۍ برخه کې د انسان پر هیله او ارمان بحث شوی څو دغه غوښتنه مشخصه شي ورپسې د اتلولۍ برخه ده او له هغې وروسته د لټون او څارلو برخه ده او په پای کې د بریا داستان دی چې په ټوله کې ښېرازه ژوندانه تګلاره ګرځېدای شي.

د ځواک کتاب د مینې، مننې، مثبت فکر او د احساساتو ځواک(قدرت) په اغېزو راته بحث کوي چې دغه بشري نعمتونه څنګه کولای شي چې په مټ یې انسان ځان او یا هم بل ځواکمن کولای شي او د دغه پدیدو په مرسته بریا ته رسېدای شي.

دغه کتاب د انسان د ژوند راز په اړه دی چې له ده سره څه کېږي او څه باید وشي څو خپلې غوښتنې ته ورسي.
کتاب د انسان په ژوند کې د جذب قانون ځواک معرفي کوي چې په مټ یې کولای شي بریالیتوب ته ورسي.
یاد کتاب د زرګونو انسانانو د ژوند سختې ستونزې ورحل کړې، ځواک او راز یې ورښودلی څو خپلې موخې ته ورسي.
په کتاب کې د نړۍ لویو علماو دغه رازونه راسپړلي او د بشریت ښېرازۍ ته یې وړاندې کړي دي.

یاد کتاب د مولانا جلال الدين محمد بلخي رح له شعرونو څخه د ژوند يوويشت استخراج شوې قاعدې دي. چې مشهور ترکي لیکوال هاکان منګوچ د یوه اثر په ګاڼه تدوین کړې، چې پښتو ژبې ته ښاغلي منتشر شاهي ژباړلی او اکسوس کتابپلورنځي چاپ او خپور کړی دی.
کتاب د ۲۱ قاعدو په چوکاټ کې د مولانا قوانین تشریح کوي چې د اوسنۍ پېړۍ انسان ته د فکر، پوهې او روحاني روزنې لپاره ارزښتمن درسونه وړاندې کوي.

کتاب د مثبتو عبارتونو ټولګه ده چې له انګلیسي او فارسي ژبو څخه پښتو ته ژباړل شوې ده.

پوهان وایي؛ «په کلمو کې قوت او ځواک دی، وینا، خبرې او کلمې هغه څه دي چې انسان او نړۍ ته بدلون ورکوي». د انسان وجود چې څنګه خوړو ته اړتیا لري ذهن هم داسې مثبتو خبرو، ویناوو او افکارو ته اړتیا لري.