The Midnight Library د نیمې شپې کتابتون ناول
د نیمې شپې کتابتون (The Midnight Library) د برېټانوي لیکوال مېت هېگ مشهور ناول دی چې د نړۍ په گوټ گوټ کې یې د میلیونونو لوستونکو زړونه گټلي دي.

دا کتاب لومړی ځل په ۲۰۲۰م کې خپور شوی او له هماغه وخت راهیسې یې په نړیواله کچه بې‌ساری شهرت خپل کړی دی. دا ناول د نیویارک ټایمز د غوره پلورل شویو کتابونو په لېست کې راغلی او تر اوسه تر ۴۰ زیاتو ژبو ته ژباړل شوی دی؛ چې اوس پښتو هم ورسره یو ځای کېږي.
د نیمې شپې کتابتون ناول د نورا سیډ په نامه د یوې نجلۍ پر ژوند راڅرخي، چې د ژوند له فشارونو، پښېمانیو او رواني ستونزو سره مخامخ ده. نورا فکر کوي چې ژوند یې بې‌مانا دی، ډېرې پښېمانۍ لري او ښه انتخابونه یې نه دي کړي.

د کتاب لیکوال مېټ هېګ د خپل دغه اثر په اړه وایي: ځکه مې ولیکه چې خلکو ته یو داسې څه وړاندې کړم چې د خپل ژوند په ارزښت پوه شي او هغه ته د یوې ارزښتمنې پدیدې په توګه وګوري.

د دې کتاب ژبه ساده، ادبي او عاطفي ده، چې هم د ځوانانو او هم د مشرانو لپاره مناسبه ده.

پښتو ته د دې کتاب ژباړه خورا ارزښت لري. زموږ په ټولنه کې رواني روغتیا یوه داسې موضوع ده چې لا هم پټه ساتل کېږي. دا ناول له لوستونکو سره مرسته کوي چې له ځان سره خبرې وکړي، خپل احساسات وپېژني او دا درک کړي چې ژوند تل دویم چانس یا فرصت لري.

سوی تاج ناول
سوی تاج تر دوه زره کلونو وړاندې زمانې داستان دی، د یوه ملک، یوې پاچاهۍ، د اشخاصو، قبیلو او ټولنیز نظام کیسه ده چې په کې فکر، احساسات، حماسه، عشق، د قدرت لوبه او ډېرې نورې خبرې شته دي

په دې ناول کې د کرکټرونو او ځایونو نومونه تخیلي دي. په داستان کې د کلاسیسیزم، ریالیزم، جادویي ریالیزم او ځای – ځای د تورې کمېډۍ څرک لیدل کېږي.

په «سوي تاج» ناول کې تر کرکټرونو، موضوعات ډېر مرکزي نقش لري چې دا په پښتو ناولونو کې نوی پیل ګڼلی شو؛ خو داسې هم نه دي شوي چې د مسایلو فکري ژورتیا د داستان جذابیت باندې منفي اغېز کړی وي، په داسې ډول لیکل شوی چې پیلول یې لوستونکی تر پایه له